May 25, 2006
-
森美與商臺
又說電視說無線﹐本來要講女人唔易做﹐可是現在已經OUT了﹐所以講十五十六。
十五十六我祗看過一集﹐是否好看就見人見致﹐但我想說的不是節目的質素﹐我想說的﹐是森美。
十五十六的播放時間轉為逢星期一至五晚上十點半﹐即是說﹐十點半扭開電視﹐是森美﹐十二點扭開收音機﹐又是森美﹐商臺為了將就(或避免conflict)﹐將吳君如和森美的節目時間調換。
我想表達的是﹐我不喜歡森美﹐有時甚至是討厭﹐現在晚上無論電視還是電臺都被他霸佔了﹐實在令我感到很不安。
這種節目安排﹐充份表現了香港正式進入了反智的年代。
在這裡要對森美的fans說句對不起﹐但我真的不喜歡森美。
第一我覺得他不好笑﹐究竟是香港人要求低﹐還是這是大眾的口味﹖如果不是因為無線逼我們看﹐商臺逼我們聽﹐Paco逼我們做他的fans﹐而是香港人真心的喜歡森美﹐我會覺得很可怕。
森美是很多年青人的偶像﹐在我的眼中他是現代香港社會反智的其中一個symbol﹐他不是無厘頭﹐因為無厘頭是好笑的﹐他祗是無聊﹐他很喜歡在節目中大發偉論﹐向年輕的聽眾說教﹐可是我覺得他有某些價值觀很有問題﹐對年輕一代可能有壞影響。
可惜﹐他竟然受歡迎﹐到一個程度可以做電視拍電影﹐他在商臺的綽號叫大哥﹐香港人把他推崇到這個位置﹐他的作風還是沒有改變﹐還是繼續笑談廣東話﹐繼續識小小扮代表在電臺扮演這大哥的角色﹐從他節目中的語氣你可以聽得出﹐他完全被香港人﹐被電臺裡的人﹐寵壞了﹐變得過於自信和自大。
如果他祗是安安份份在商臺做他的大哥﹐我不會這麼隆重地開entry來插﹐畢竟﹐商業電臺也是今時不同往日。
我明白903是吸引年青人的電臺﹐我不再喜歡903﹐可能是因為我不年青了。903的節目主持人有I love you boyz﹐空中喱民﹐森美小儀﹐吳君如﹐你可以憑這些名字明白到我的慨嘆嘛﹖連阿Jan在商臺都變了時事評論員﹐這樣的分工﹐又代表了什麼﹖
大概是我老了﹐祗懂掛住軟硬﹐蘭茜夫人劇場﹐我最愛的聲線郭靜不一樣的黃昏﹐Wyman Amanda娛樂性騷擾﹐Wyman昭仁係咪玩野。
可惜的是我還不夠老﹐沒有聽過六啤半和黃耀明﹐也不太記得顏聯武。
今時今日的一臺也是面目全非了﹐沒有風波裡的茶杯﹐也沒有政事有心人﹐曾經有段時間﹐早上有大班﹐下午有毓民﹐晚上有陶傑劉細良﹐簡直天下無敵。
現在﹖你們得到的是黃偉民施南生﹐查小欣﹐李慧玲﹐沒有劉細良的光明頂﹐蘇施黃。我也懶得逐個鬧了。
要走的﹐都走了﹐偏偏我天下間令我最討厭最討厭的查小欣沒有走﹐(在這裡懷念一下被她罵走的梁德民)﹐當然﹐有些是該走的﹐例如茜利妹﹐還有倪震(絕情谷﹖救命…)。
其實要鬧﹐是因為我本身很愛商臺﹐商臺是伴我成長的。
其實我真的很想知道為什麼森美會受歡迎﹐喜歡或討厭他的請留個言吧。
你又最喜歡或最討厭那個主持人呢﹖
edit:
說起白姐姐﹐想當年我是白姐姐的忠實紛絲﹐晚晚盡訴心中情。
我爸爸認識謝偉俊(不是很熟﹗我明白這不是一件十分值得表揚的事)﹐他曾經告訴白姐姐他的兒子是白姐姐fans﹐所以白姐姐是曾經在節目中說過﹕
多謝Jeremy收聽呢個節目。
是千真萬確的呀﹗現在想起都很高興。嘻嘻嘻。
Comments (56)
其實我都幾鍾意聽森美…….得閒無聊下笑下都幾開心…..因為真係幾好笑…..
不過如果不停都係森美的話…..就真係幾悶….同冇建設性…..
娛樂唔可以當飯食
講明先, 我超憎森美.
原因係, 早年佢曾經出過一本講打籃球既小說 (大概係依照佢另一個電台連續劇所寫), 叫 “爆男無敵”. 小說旁邊有d 插圖, 全部都係來自男兒當入樽, 湘北對山王個一場. 不過櫻木個頭變左森美咁上下. 我係書店一路睇, 一路眼火爆 : 乜 DJ 唔係叫人支持正版, 唔好偷人野咩? 我翻上翻下, 都見唔到本書有問日本授權, 咁即係做賊拉.
由個陣開始, 我已經對呢個男人無好感. 講野一d 都唔好笑, 但扮好笑. 無point, 但扮有道理. 至於佢個十五十六, 簡直係垃圾. 我睇左一part, 連電視都熄埋, 無謂浪費電力. 而佢唔認老婆仔女, 不過係非戰之罪, 皆因講到尾佢都係一條跟尾狗, 學晒譚校長咁. 既然漫畫都copy 得人, 呢d 咁樣學人既行為, 濕濕碎.
而森美今日可以做到商台阿一 (或者頭馬個一眾), 三個字 : 蜀中無大將.
至於查小欣, 一條八婆. 李慧玲, 佢把聲就夠煩, 但掀穿了, 只不過係睇港聞既查小欣.
好懷念當年訓下格床, 每晚都聽到老頭係上格床聽白姐姐.
撐你呀, 我 ~
因為, 我都好唔鍾意森美 + 查小欣 ~ 哼 ~ 哼 ~ 哼 ~
其實, 我尋晚睇到公仔箱預告的一刻, 都有暈一暈 ~ 唔係卦 ? 晚晚 ? OMG ~
我相信, 我係唔會睇既 ~ 反正, 之前, 一集, 都無睇, 只係睇過佢個節目既廣告 ~ 我就已經覺得有少少反胃啦 ~ 仲點敢記住去睇 !? 唉 ~
至於始終喜歡既呢, 依家, 淨番林海峰一個 jar ~
所以, 我每日淨係會聽 8:00 ~ 9:00 am 既 903 ~
p.s. : 曾經非常之咁迷 “少爺占”, 但, 我喜歡既係佢 “飾演” 陳占既時代, 同未 “變種” 前既 “I Love U Boyz” 囉 ~ 嗚嗚嗚 ~ 想起, 都真真好感慨 =(
你呢篇超正,特別以下一句:他不是無厘頭﹐因為無厘頭是好笑的﹐他祗是無聊。
簡直要入香港的文化字典。
究竟香港是否進入了反智的年代呢?值得深思。
我冇聽商台好耐咯!!!!!! hehehehe……
森美我從來未正式聽過或睇過佢. 因為我覺得佢把聲佢個樣勁難頂, 一看就知是”hai”(門西)精一名.
查小欣 —> 死八婆…….哈哈哈哈!!!! 冇錯呀!!!!
我曾經聽過《街車王阿健》,係好好笑架禾。
不過《笑談廣東話》就唔好笑,佢地成班自己係度笑,自得其樂。
一萬千百億十個eProps!
過於自信和自大的森美倪震查小欣, 全部討厭得要命。
「他有某些價值觀很有問題﹐對年輕一代可能有壞影響」, 十分認同, 我不能理解高層會由他這樣。我害怕真有崇拜他的年青人, 模仿他看似很正面的思想和做人的態度, 這將是一件很可怕的事。
不過我有一點不同意的: 他不是無聊, 因為無聊是很好玩, 甚至很偉大。我認為他是無謂, 多餘。
討厭的主持人嘛? 太多。喜歡的有志淙; 偶爾也有點「欣賞」卓韻芝(一定不是「五天精華遊」那個她), 如果是有心機與冇心機的分別, 那我會期待她再次有心機做點事來聽聽/看看。近來最喜歡是蘇耀忠, 最初是因為他的音樂選擇, 現在則愛上他整個package, 很高興有個真正活出愛與和平的音樂愛好者。我認為現在的商台, 只有他(頂多加埋卓韻芝少爺占)是真正懂音樂的, 其他什麼謝茜嘉Mini識少少扮代表, 亂up教壞本身已對音樂知識貧乏的香港聽眾。呀, 漏了Jan, 因為他已不像CR2一份子。
其實唔熟森美,其實沒認真聽過他做節目。(又其實唔需要認真) 嘻嘻記得有一晚鬼節前後一個人響屋企驚驚地,開電台聽到森美諗住有d聲氣冇咁驚,當驅鬼囉。 以前返工日日下晝等聽蘇施黃架,她一cup人線我就很爽嘛,依家調到夜媽媽好悶冇聽嚕,現在何良何亨個節目又似的士台。 卡卡成班姨媽姑姐鍾意聽查小欣,想佢走都幾難。 依家九點半前都聽903晴朗。 最鐘意仍然係Jan,至憎佢細佬,一日聽佢把聲三個鐘唔知點頂。 我公司長開881,多得陸叔唔少。 唉你講起我好掛住郭靜。
一直也不是聽商台..只是一些朋友進了那裡做creative 呀節目主持呀..才會稍稍聽一下..說真的…很是討厭
以前也會聽軟硬的~~ 超好笑之餘又香港化…文化現象呈現得來又不失老土…超正..
你所說的現今當紅主持人們…(包括我的一些朋友) 也是那種森美式的談笑自笑…說一些話笑作一團就以為真的很好笑…沒有point 也沒有stand…只是迎合別人的說話..轉化再轉化…
很奇怪一些朋友們未加入商台時也不是這個樣子的…到底是現在的社會讓他們變成這樣?…或是商台讓他們變成這樣?..又或是森美大哥的那種影響力讓他們變成這樣?…唉
也超不喜歡查小欣….只是因為她的聲音讓我耳朵不舒服
聽過顏聯武…說真的不看他的樣子…他真的很迷人
齋鹵味,鬧得好,真痛快!
我是聽商二長大,小學五六年級時,下午有個節目,名字已忘記,只記得主持有黃子華和黃真真(女人那話兒的導演,個陣叫黃樂桐)。到了中學便聽軟硬。到了大學,森美小儀、少爺占大行其道時,我第一個反應都是我老左,再也容納唔到商二。現在只聽林海峰,如果在晴朗的一天出發飛走杜汶澤和盧覓雪,更好。
廣告時段,聽到有個節目叫萬世巨星,我猜測係年青人鐘意的節目,廣告剪了節目的「精華」部分,大抵是有人覺得最好笑、最sell得。撞鬼,聽完我唔知笑位係邊都算,最慘係我不斷聽到主持卡卡卡笑,完全聽唔到佢講乜。如果咁既嘈音都好笑,真係幾好笑。
無人鐘意查小欣係意料中事,如果咁鐘意聽師奶bilibala,去街市大把你聽。李慧玲點止把聲乞人憎,最難頂係扮權威。有次佢叫0靚(好似係PA)問係壹仔做的同學仔拿了一些資料(都是公開資料,但要好俾心機搵),事後李慧玲仲係節目度,話自己好辛苦死返來。
hahaha..如果我說我以前好鐘意洪朝豐, 你會唔會鄙視我….
我曾經一度戀上佢把聲..好好聽好磁性..佢講既野就當時年少無知既我黎講係好現實..
佢原本做夜晚節目,之後比人調上朝早..我好唔開心,惟有叫我工人幫我錄..
哈哈哈..好誇張…
我而家幾鐘意聽在晴朗的一天出發ah..903版..但overall, 商台真係無之前咁好..下午d節目好無聊..
不過其實我由細到大都係聽新城多d…係咪好怪…
以前在轆架床聽郭啟華的「又再想起你」,我在上格,細妹在下格,度過無數個少年期的晚上。
商台我最怕施南生,好地地一個時事節目,俾佢變左電影話當年,朝朝都係咁...
插得好!!!雖然我寫文曾引述他們的言論,但不代表我接受他們。
老味兄,好樣的,簡直幫一眾殤台老粉絲狠狠的排了一次毒。
另外,好彩你夠老餅,唔識 i love u boyz
否則,廿九幾兩血你都嘔得出。
詩薇﹕
原來喜歡森美的是你﹗我不反對森美的存在﹐但真是太多了。
史兄﹕
先歡迎你回歸。佢唔認老婆仔女﹐其實都幾有問題。
如果是蜀中無大將﹐就是俞大高層的問題﹐商臺是商業機構﹐理應就要花錢花人力物力找好的主持人﹐而不是趕走大將們﹐然後重用一堆廢人。還有﹐他們不是DJ﹐DJ是唱片騎師﹐他們沒有資格﹐像森美這種最多算是主持人﹐最有資格的可能祗有diC喜歡的細蘇。
請問白姐姐當年是否商臺的人﹖因為我聽盡訴心中情的時候是聽港臺的。
師姐﹕
係啦﹐無記真係鬧得少。
為左阿Jan﹐晴朗我都每朝聽。
教主﹕
多謝多謝。
香港是否進入了反智的年代這種深層次問題太深﹐我可否淺思而不深思呢﹖
marcellabear﹕
我怕得罪人﹐所以鬧得好含蓄﹐多謝你說出我的心聲﹐哈哈哈。
甄仔﹕
其實我好多都有聽﹐係有D部份好笑既…但係有大部份係笑佢低能。
diC﹕
我祗看到兩個props﹐剩下你欠我的請用香吻形式歸還。
對不起﹐我承認膽小的我是插得太含蓄了點﹐用無聊的確是抬舉了他。
見你極力推薦﹐我也要聽聽好回家了。至於阿芝﹐就真的失去了以前的魅力了﹐現在五天精華遊的她奇奇怪怪的﹐苦榮小苦妹也是玩得太多﹐玩爛了。
亞美﹕
亞美怕鬼﹐嘻嘻嘻。我唔鐘意聽蘇施黃。有咩辦法趕走小欣姐﹖我記得有一次係跑馬地搭小巴出銅鑼環聽到一把超級討厭既聲﹐原來查小欣坐我後面﹐真係想做‘小巴阿叔’鬧爆佢。
考下你﹗你記唔記得郭靜首歌點唱先﹖﹗
adamant0702﹕
我也不明白是誰教他們這樣做節目﹐真是離奇。
從來就不應該看自己喜歡的節目主持人的樣貌呀﹗
cecile﹕
黃子華和黃真真﹖甘得意﹖黃樂桐﹐好似艷星名。
至Q憎李慧玲成日扮Q晒野﹐扮晒有好多人比料佢﹐成日話‘有可靠消息’﹐再唔係就話有邊D大人物大高層過料比佢﹐一日到黑講到自己好似係檯底偷聽到人講野甘﹐原來係點人做野既。
唔好比你個仔仔聽萬世巨星呀﹗
Alva﹕
你愛豐豐﹐我唔怪你﹐就算你話你而家都好愛佢﹐我都唔會鄙視你架﹗哈哈哈哈。
其實無乜關係﹐就算係痴線都可以做到好幾節目。
Kursk Sir﹕
我跟婆婆睡﹐婆婆聽白姐姐﹐所以我的少年期晚上是靠白才女渡過的﹐婆婆通常很早睡著﹐我反而留心聽白姐姐教人離婚﹐我真是獲益良多。
tommyjonk﹕
我們絕對不需要接受主持人們的言論﹐其實最緊要有娛樂性﹐有得討論。
就像大班﹕呀…呀…呀…﹐毓民一開波二十五分鐘唔洗抖氣鬧公產黨solo﹐我地聽唔係因為我地buy﹐係因為兩位真係好有character﹐好好聽﹐哈哈。
講咩唔緊要﹐最緊要夠膽講﹐而家俞崢唔比人講﹐我地咪侷住聽黃偉民高談廢論﹐施南生電影回顧﹐同李慧玲樓梯底風吹草動囉。
正!!
我比 tommy 個 comment 笑死!
I love you boyz? I HATE you boyz 就真!
我試過打去倪震o個個”X情谷” 吹水
發現倪震好吋, 有佢講冇人講!
細 Jo又膚淺, mud 都同意倪震 wor!
呀~~~~掛住軟硬!!
剛剛落場(我賣bagel呀蝦米你做咩唔o黎幫襯???), 補充一下有關細so的..
我相信CR2的高層是「有做o野」的, 因為現在的「好回家」明顯不及去年的好聽(當然對很多人/高層來說, 現在才算較好/易聽)。我最初聽的時候, 是由細so的個人喜愛主導的, 是因為6-8的時段不受歡迎吧, 他可以用上一小時多播brazilian/bossa nova/big band, 只是間中加插一兩首當時較可聽的cantopop。
對於細so, 我最不滿意的是他從前有份參與森美移動, 不過他終於可以離開了! 我基本上是不會自願聽這個節目的, 但總之有次就是聽了… 那天森美還是他的o靚(好像叫marco)又在欺凌當中最弱小的一位主持(隨便給他代號q), 在q解說什麼發明的時候, 他們不斷喧鬧, 完全不尊重在解說的q, 又扮大佬嘲笑q, 說前輩俾錢入你袋呀學野啦o靚仔之類。沈寂了好一會的細so此時忍不住開聲了, 替q解圍之餘, 還(有點燥底地)義正詞嚴說他們不細心聆聽q的話, 又怎知道他的發明不行呢…哇..在大家都要埋商台大哥堆的時候, 他竟然不懼強權, 細so好野!
卡卡卡, 蝦米我說完了! 吃魚生去~
好唔鍾意森美… chronologically 鐘意 白姐姐 (never brave enough to tell anyone as everyone listened to 森美 after school) –> 芝See菇Bi –> 吳君如: 嘩嘩嘩!打到o黎!
點解咁多人唔鐘意森美佢都重有得撈既?
幾個可能性:
(一)鐘意他的不在此留comments(咁你地快D反擊啦)。
「二」鐘意他的不會鐘意jerlame,所以唔會睇到呢篇。(咁冇野好講啦)
《三》森美撈得掂,唔係因為佢受歡迎,而係因為佢係女同(冇錯,係女同,因為魚生唔係男同),所以有人照。
queenopoly﹕
都話你咸濕架啦﹗打去絕情谷﹐我根本完全無同倪震講野既興趣﹐細Jo都好D﹐因為身材幾好哈哈哈哈…唉呀比你D咸濕感染左添
diC:
你做咩賣埋晒D美國野﹖快D轉賣fish and chips或者scones﹗(係邊度呀你﹖我得閒黎幫襯…有無煙三文魚架﹖)
他們做節目的確是有人一路mon住的﹐細So就那種路線﹐注定被逼改變吧﹐不過有過一段時間自由主導也好過無﹐說不定有一天到細So做大哥時﹐可以播咩都得呢﹖
你說的除了陳強就沒有其他可能吧﹐哈哈﹐沒錯陳強的確是很可憐的﹐原因可能是他平時沒有像狗一般對前輩們聽聽話話吧﹐基本上他的作用是不斷比森美踩踏﹐森美就懶好笑﹐其實就純粹係mean﹐not funny at all﹐mean都可以好笑﹐可惜佢乜Q都唔係。
diC我要uni同akagai….
chuchu﹕
呵呵原來你都係白姐姐粉絲﹗
教主﹕
「二」鐘意他的不會鐘意jerlame﹐甘仆街啦﹐鐘意佢個D都係無知少女﹐我最鐘意就係D有身材無智慧既少女﹐甘我無行啦…唉…黎野啦今次…
《三》老實講我曾經有諗過扮女同等呀魚生請我架…..
我現在最憎係 i love u boyz, 若干年前(約2000年)聽donald+少爺占還正正常常的, 但自從有了 i love u boyz 後, 就不知痴了哪條筋, 永遠九唔搭八懶好笑. 更令人吃不消的是他們的劇/歌詞, 明明是冇料到夾硬來卻扮晒搞鬼有創意, 最吹脹的是竟然有大把人賣帳, 不得不服了眾dj的掩眼(耳)法.
我想香港確是太多打著”有創意/品味”旗號混飯吃的人, 當中又以CR2人最多.
我中意蘇施黃啊! 聽到佢勁開心. 至於森美, 感覺唔大. 不過至於佢點解咁成功? 多多少少關香港人既壓力問題… 日忙夜忙, 聽下睇下D無聊野輕鬆下都真係養身之道黎架. 正所謂… “我有壓力,你有壓力” 哈~~
剛路過,想留言,不見怪吧!
很久己沒有再聽電台了,現在只在凌晨偶然聽聽「新香蕉俱樂部」,並不是喜歡,而是沒有選擇。
我最喜愛的DJ是林海峰,他的想像沒有空間,但是,自從他變了一個「維園阿伯」的主持人,不禁默默嘆息。
林海峰怎會落得如此田地?
只可以歸咎某些年青人愈來愈重外貌,欠缺內涵(不知會得罪多少人),而造成的。
而且我的確認為,社會上,有地位有名聲,但說話有內涵的人,已難以察覺,或不受傳媒追棒了。
那些外貌並不突出的人,自然慢慢被擱在一旁。
最討厭的DJ,我想不到……因為自問討厭人需要充份的理據,我卻找不到……
(如有說錯的地方,希望大家見諒)
十萬個認同! 最頂唔順、唔知點解森美、小儀一開咪就不停喪笑,救命,講一句說話唔夠三個字,跟住狂笑三十秒…
以前最鍾意聽軟硬 & 郭華。
曾幾何時都會聽下森美小儀, 不過越聽越難受, 懶搞笑嘻嘻哈哈成個鐘都唔知佢地講緊乜, 令我最後不再聽電台節目.
依家最憎就係搭小巴時播既杜汶澤「晴朗一天出發」, 發表既偉論有幾白癡得咁白癡, 當d聽眾會同佢一齊哈哈笑. 最反智就非佢莫屬.
以前好鍾意芝c姑bi. 依家都無乜聽到佢一個錄既廣播劇lu…
你呢個post 簡直大快人心,直頭撩起我地呢班有番咁上下年紀,咬牙切齒o既人上黎發洩…
超憎森美小儀,成晚唔知講乜鬼, 一路講野一路整古作怪:扮聲玩疊字..總之兩個字要拖長十個字黎表達,跟住又笑笑笑, 笑你老味!
i love u boyz, 我聽親都想拎起個收音機黎車爆佢兩個!
我想毒啞查小欣好耐o架喇
五天精華遊, 都唔知想點,日日好似讀報紙環球趣聞版咁,齋讀, 駛鬼你黎做?
李慧玲多懶音, 只係識到” 咁咁咁..即係即係..乜意思乜意思….”
吼~~發洩完!
商店最好聽的節目是” 一切從音樂開始 “。
講到底,克勤在903頒獎禮講明商台係童裝部,好少老餅聽。況且對於學生黎講903係年青人既電台,已經成為年青人生活既一份壓力,唔聽就會好似脫節,當人人都話森美好正果陣,你只好安然接受,無謂同世界對抗。
另外,我覺得一個人對舊事物依戀就等同於難以接受新事物。例如一個20歲既人,佢10歲開始聽林海峰大,跟住10年後個主持老左要換人啦。但你果陣先20歲仲好後生,要接受一樣新事物,咁咪好難接受囉。
只不過人在漸變,物在脫變,地球在轉,時代在轉,是循環不息。
店->台
我好少聽商臺,係有段時期無啦啦聽多少少。
好憎森美小儀,無腦既兩條廢柴響度賣笑。最吹脹係人地賣笑係賣到錢,我賣笑應該會被人送入青山。
極憎I Love You Boys。低能、弱智,扮有gimmick … 其實佢地係有gimmick ,就係低能,做一d無人敢做既低能野,能人所不能,因此「紅」。
香港真係好Q反智,真係好Cute…
我留言… 但唔係講森美架!!! (不過你又寫得幾正)
erm… 我想話… 今日o係富記門口見到你既果一刻好尷尬!!! ^^
對森美小儀冇特別反感,因為有好多人仲差…
最憎:
李慧玲,聽到佢0的懶音癡月利筋,仲要扮晒0野懶知得多識得人多,我就想大巴大巴扯埋去!!!!
查小欣,正一死八婆,把聲難聽到震! 娛樂新聞咋,以為自己係時事評論員咁,懶巴閉懶權威!!
杜汶澤,呢條友冇料到,乜都唔識,成日以為大聲就有道理!! 一有機會就丙壹傳媒,公器私用!!!! 仲有,”並”係讀”並’,唔係讀”笨”呀,死人盧覓雪甚至阿Jan都跟埋佢癲!!!!!
黃偉文,成日扮持平,其實冇point,把聲又悶!!
施南生,又係冇料扮代表!!!!
阿喱+詹志民,雖然我放工搭車都會聽”空中喱民”,但我覺得佢地兩個呃飯食囉!!!
余迪偉,每逢小儀放假,佢都代做架勢堂,嘩~~ 成個’也母’型咁,又婆婆媽媽!!!!
吳君如,嘈之巴閉但冇料又成日扮勁講英文!! 至憎!!! 做節目好似賣笑咁,又爭0野講!!!
鍾意:
林海峰, 原因: 仲駛講???
細so: 好回家0的歌好0岩聽.
余宜發: 鍾意佢揀0既歌.
Jessie: 呢個識0既… 真正原因係佢會有心機鋪排播歌程序,有script配合.
懷念:
郭靜呀~~~~~ 不一樣的黃昏/山頂的黃昏~~~~
軟硬~~~~~ 笑到震晒~~~~~
黃志淙+梁兆輝~~~~~
wyman~~ 娛樂性騷擾
總結:
903沒落喇~~~~~ (我地老喇~~~~~~)
健﹕
其實少爺佔之前唱歌個D組合都唔係甘﹐D歌唔係話好好聽﹐但至少有heartD有意思D﹐當I love you boyz出現之後﹐觀眾受落﹐佢地就keep住低B﹐我諗返唔到轉頭架啦﹐所以可能佢都嘗試過正經﹐不過無人聽﹐而家騎騎呢呢反而有人受﹐咪變成甘。
Ben﹕
蘇施黃新節目我無聽過﹐以前個D我有唔係太鐘意。
Adrian﹕
其實阿Jan做維園阿伯都唔係做得唔好﹐不過唔係佢應該做既野囉。
唔好傻啦﹐你當然可以隨便comment﹐十分歡迎你﹐至於唔鐘意邊個﹐你講都無所謂既。
Denise﹕
多謝多謝﹐你好你好。
其實我覺得小儀根本唔適合做呢行…
littletony﹕
歡迎歡迎。杜生都唔應該做呢種節目﹐不過就係佢亂講野﹐成日得罪人﹐所以重多人聽。
iamsorman﹕
多謝﹐哈哈我都估唔到呢個post會激起大家怒吼既熱情﹗希望我幫到你發泄﹗
ami﹕
舊事物依戀就等同於難以接受新事物﹐甘你甘講又唔岩既﹐值得懷念既就應該懷念﹐應該接受既就應該接受﹐念舊係人生好重要既一部份黎既。
hystericireul﹕
所以話﹐有D人真係死好運。唉…
ZaZa﹕
有咩甘尷呢﹖
Brenda﹕
我阿媽都係Brenda。
你憎個個係黃偉民﹐應該唔係黃偉文﹐黃偉文係娛樂性騷擾同係咪玩野﹐唉好掛住﹐個時晚晚聽﹐郭靜就唔係﹐因為時間問題﹐個時又無得上網重溫。
老啦老啦…
師弟 : 我舉手舉腳讚成你將呢篇 entry + 所有 comments 寄比佢 ~ 耶耶耶 ~
唔好意思,我左link右link,link到唻你呢度,覺得幾好睇,但係成日都齋睇唔留言…
令次終於忍唔住了……
其實我冇乜聽電台,而真係聽過o既,正正只有森美小儀…
o個時個節目好似叫「森美小儀dotdotdot」~
我都認同佢地係好無聊,又成日自己講自己笑,不過我覺得佢地令個節目好輕鬆,聽得幾舒服~ 我真係成日聽到忍唔住笑架!
但我相信呢d唔係年紀問題,因為我同你同年… 我諗係我冇深度,鍾意聽埋晒d無聊幼稚o既電台節目…
不過講真,又真係因為佢地個節目無聊幼稚,所以令人可以好輕鬆唔用腦去聽,但亦都可有可無~
自從佢地由1100-0100調左去下午,我就冇再聽過佢地o既節目lu~
至於電視,真係做得唔好~
可唔可以容許我話佢地係「發揮唔到」?
“立”到kykykyky個comment: “鐘意他的不在此留comments”
迫住要寫返dee野~!
honey, 由我移民後, 十年黎我都好少聽香港既電台, 所以不宜評論.
你講既”軟硬, 蘭茜夫人劇場, 我最愛的聲線郭靜不一樣的黃昏”<–都係我最愛
我最鍾意佢地黃昏, 講交通果陣播果段jazz… 郭靜把聲真係世上最好聽~!
由細到大都好少聽電台
我沒有特別喜愛的DJ
至於森美小儀
由始至終都覺得佢地兩個做戲咁做
一個鍾意鬧人
一個鍾意被人鬧
而且我一向都覺得電台DJ跟電視節目主持是兩件很不同的工作
十五十六完全顯示到佢地兩個的弱點
因為佢地係電台只是自吹自擂自顧自笑
但電視就要與嘉賓有互動才有笑位
不過佢地兩個做唔到
所以感覺好悶
睇過一次己經冇興趣再睇~
見到有人話鐘意一個我一聽到就會熄機o既主持…
真係一樣米養百樣人, 多元o既世界真係好。
或者我地都可以返香港搵下俞生, 你扮亞嬌扮得咁靚, 而我亦一直深受女同志歡迎。
本來想幫I love u boyz「平反」, 依家都唔敢啦!
不過佢地上一隻碟其實都唔錯架, 可能係我太包容, 更可能係我偏袒Eric Kwok。
我都係路過, nice to meet u!
九六九七年達明復出, 我就由個陣開始聽903, 最鍾意係下午六點左右的《兆輝台》, 主持係梁兆輝。唔知有冇人鍾意佢呢? 直到「苦」家出現就覺得好難頂, 再過多排 I love you boyz 簽左英皇就無聽lu~ 依家間唔中洗碗聽下903, 都覺得格格不入。最唔鍾意的…都係森美, 我中三聽佢, 已經覺得佢唔尊重女性, 只尊重model、明星仔。
今晚食飯,問左讀緊中四0既表妹. 佢同樣覺得森美好膚淺,空中喱民都好無聊. 佢最鍾意0既,既然係凌晨時份0既一切從音樂開始!!!!
brenda, 小心你表妹同其他同學朋友仔冇話題 : p
Naomi﹕
Naomi﹐都係唔好﹐我開始驚呢篇野會得罪人﹐哈哈哈。
bq1hs1﹕
多謝你支持。
其實我都有經過中學時期聽森美變態樂園(個名係咪甘架﹖)既階段既﹐個時仲細﹐現在我覺得森美小儀完全唔好聽。至少唔應該做夜晚囉。
力為﹕
多謝baby﹐我愛郭靜﹐但我愛你多D。
bbooster﹕
你出現啦﹗
你研究得好好﹐我無諗過。
diC﹕
邊個邊個﹖係咪我諗緊個個﹖
我靚過阿嬌多多聲。
Masie﹕
兆輝臺我有聽過呀﹐內容唔係好記得囉。
Brenda﹕
你表妹太有內涵﹐快D比佢電話我﹐我要教導下佢。
iamsorman﹕
讀中學係要好努力合群架啦…唔係會比人排斥架…
記得以前我考CE/AL個陣開始有森美,佢成日講兩句就hehehaha, hehehaha, 都唔知做乜。但係讀書提神幾好。
“晴朗一天出發”真係好唔掂,佢地做乜當自己係為政府賣廣告o既公司,不如播國歌算啦。
唔驚唔驚, 我估佢地今年既 budget 係無預到要聘請特務過英倫找你霉氣既 ~ 啜 ~
我都唔係好記得~都係因為有明哥先聽~!
不能說香港進入了反智年代,而是香港的文化改變了。
年青人是無辜的,他們扭開收音機便聽到這些節目,根本上沒有比較。
商台也只是迎合他們的品味,話明”商業”的電台,還要是主打年青人的二台,commerical一點也理所當然。
我們也不能說森美無聊,白痴etc….只是他造出來的形象,在某些人眼中如此。
而這個形象卻是為他的聽眾而塑造的。
我們又怎能確定他原本是怎樣的人呢。
我寧願說香港人的的品味越來越差,文化越來越少,才造就出一班無聊的聽眾,和一班迎合他們品味的娛樂工作者。
順帶一提,我阿女麻也很喜歡森美的,(他的節目還是3-5的時候開始)因為都市閑情之後電視無野睇,扭開收音機便聽到森美小儀。和年青人一樣無從選擇。
但我卻很討厭懶靚仔的森美。
講開查小欣,我加把口先。
當查小欣好似成為本地娛樂圈唯一的一位評論員時……….大家不如看看《AM730》的鮑偉聰專欄。
至少,我覺得我在他的專欄中學到東西,而他的評論也合情理得多。
繚綎腔
46?commentㄛ?漲ㄛ褫?妀怢淩腔竭嗣ㄗ陑芵賸腔ㄘfansㄗ扂珩祥腕祥隱?晟ㄘ
伬藝苤衄怮湮覜紒ㄛ秪掛旯憩祥炰稛??翋厥☆嶨?★虷蹋腔?醴ㄗ婦嬤誠怢婓ㄘㄛ淩蜁眭賤褫眕藩琌曆憩祥礿遼虷ㄗ酕坋拻坋鞠憩okㄛ筍俀俀憩疑侔overㄘ
硐夔挲ㄛ881陔?揃??醴伄鳶ㄛ?醴衱帤善扂爛廢?˙903憩伄舑秞gehㄗ宎皺珨?赻韜爛geh?怢ㄛ秞宎皺岆笭猁geh珨虐ㄘㄛ☆?★?醴geh憩蜁扂ㄗ褫夔扂淩橾ㄛ堨鞠豝憩….ㄘ
我也是路人。
兩、三年前好鍾意聽收音機,由下午聽到晚,為了聽歌。不過現在大部分時間都不敢開。
這麼多評論,為何沒人提星期日2300~星期一0200 Wasabi主持的「短期租約」呢?深夜常常播舊歌聽。我個人覺得還不錯。(有點像賣廣告……)
咁遲先黎俾個comment你tim….哈哈….中學聽佢地之後就唔再聽…
我承認自己老左好多…因為我愛上聽區瑞強同君如…
森美同小儀淨係識得狂笑…..呃鐘數ga喎….
ps……我細細個都聽白姐姐ga…佢既電話我同我細佬仲記得ga….「23330444…記住係233303個4呀..」
我都係路過…… link 上link看到這個post, 正!
最初很驚只有我一個憎森美小儀, 可幸還有很多人陪我!
我算是多接觸青少年, 發覺佢地真係好buy森美小儀, 簡直當佢地係神咁. 而且很多青少人都以學習他倆的言談作風為目標, 成日搞爛gag, 以為咁就好好笑, 我次次都笑唔出, 根住就會俾人當老餅……(我睇周星馳都睇得好開懷架喎)
真不知是雞先還是蛋先, 是有demand導致有supply, 還是個supply填鴨式到個個都demand個supply呢!
還有, 不知大家知不知道有個網上簽名運動支持這次失言事件?
當我發覺很多學生都支持森美小儀, 激憤地大罵那些”司奶”無事生事的時候,
我真係好驚.
You don’t know me, but I like the way you think; as in the last few posts that I’ve read.
老味兄, 幾時返黎呀喂~~~~~
i hate 倪震 so much too…he always pretend that he knows so much about love. so bull shit.
sorry.. havent had much time reading my fav xangans these days.. so reading all 3 posts in 1 nite.. totally agree with jerlame.. i hate SUM MAI’s GUTS>! he reckons he is hot shxt.. but he is so ugly.. and i hate SIU YEE too.. .. the reason these people are DJs.. is becos people just want to listen to their voice ( i dont want to listen to them either..) and not seeing their face man.. @_@
完全同意,我好討厭他踩低身邊的人(成日寸小儀)而抬高自己,完全不懂尊重;成日自己鳩吹一大輪然後自己喪笑,重點係並唔好笑…算啦我講一日都講唔完…謝謝您,我釋懷了…有同道真好:’)